Die sprinkane is hier!

Die sprinkane is hier!

Die sprinkaanswerms is hierdie jaar ongelooflik groot en ons het befondsing nodig om die pes te bekamp.

Besoek ons Agri Noord-Kaap Stigting webwerf om ‘n skenking te maak.

Lede van die publiek en boere word versoek om enige swerms aan me. Mulalo Matodzi by 083 326 7773, me. Vuyokazi Mpumlwana by 084 760 8176 of dr. Ikalafeng Kgakatsi by 072 198 9882 aan te meld.

Boere kan swerms ook by die kantoor van die departement van landbou op De Aar aanmeld by 053 631 3122 of 053 631 3261, of by dr. Gerhard Verdoorn by 082 446 8946.

AGRI NK - Sprinkaanswerms
Die sprinkane is oppad! Landbou.com / Michelle van der Spuy

Die sprinkane is oppad! Landbou.com / Michelle van der Spuy

SprinkaneBoere word gevra om op die uitkyk te wees vir bruin sprinkane met die eerste uitbreking vir dié somerseisoen wat reeds in die Noord-Kaap voorkom.

Soos verwag het die eerste somerreëns ook die eerste uitbreking van bruin sprinkane vir die seisoen in die Noord-Kaap veroorsaak. Swerms is volgens die Noord-Kaapse departement van landbou, omgewingsake en landelike ontwikkeling in die ZF Mgcawu- en Pixley ka Seme-distrik aangemeld.

Luidens ‘n verklaring deur dié departement is swerms opgemerk in Upington, Poffader, Marydale, Langklip, Groblershoop, Niekerkshoop, Sutherland en Richmond. Daar word verwag dat uitbreking van swerms ook in ander gedeeltes van die provinsie sal voorkom vanweë die goeie reën wat die afgelope weke in die provinsie geval het.

Met die hulp van die nasionale departement van landbou, grondhervorming en landelike ontwikkeling is ‘n span sprinkaanbeheerders na die gebied gestuur om die verspreiding van die swerms te beheer. Alle grondeienaars word versoek om met dié span saam te werk deur hul toegang tot hul eiendom te bied sodat die swerms maklik beheer kan word.

Dr. Gerhard Verdoorn, wat al in September voorspel het dat sprinkaanswerms sou voorkom sodra die eerste somerreëns geval het, sê hy het toe verwag dat hy vandeesweek oproepe oor uitbrekings sou vervang. Hy het egter verlede week al ‘n oproep oor sprinkane uit Kookhuis in die Oos-Kaap gekry.

“Dit is kommerwekkend. As ‘n oproep oor sprinkane uit die Karoo, Kalahari of Namakwaland kom, is dit heeltemal normaal, maar dat hulle by Kookhuis is, is ‘n groot bron van kommer aangesien dit bitter naby aan die gewasproduksiegebiede is. Dit sê vir my ons sit op ‘n tydbom.”

Hy sê die swerms is nou nog klein, maar sal in die volgende vier tot vyf weke groter word. “Dan kom die pawpaw regtig na die fan toe gevlieg.”

Lede van die publiek en boere word versoek om enige swerms aan me. Mulalo Matodzi by 083 326 7773, me. Vuyokazi Mpumlwana by 084 760 8176 of dr. Ikalafeng Kgakatsi by 072 198 9882 aan te meld.

Boere kan swerms ook by die kantoor van die departement van landbou op De Aar aanmeld by 053 631 3122 of 053 631 3261, of by dr. Gerhard Verdoorn by 082 446 8946.

Gratis Webinaar: My veld het afgebrand – wat nou?

Gratis Webinaar: My veld het afgebrand – wat nou?

Die verwoestende veldbrande in Augustus en September in die Noord-Kaap het honderdduisende hektaar weiveld vernietig en boere met talle vrae oor die pad vorentoe gelaat.

Landbouweekblad bied op Donderdag 7 Oktober om 14:00 ’n gratis webinaar aan waarin verskeie kenners raad gee aan boere wat skade gely het.

Die gesprek word gelei deur Neil de Klerk, uitvoerende hoof van bemarking en kommunikasie by GWK, en webinaargangers sal ook die geleentheid kry om vrae te stel.

Frans du Plessis, GWK Agri se besturende direkteur, sal gesels oor die beskikbaarheid van produkte en voorraad tydens ’n ramptoestand. Jy kan ook meer uitvind oor GWK se Net ’n Druppel-veldtog en hoe die maatskappy boere ná die brande ondersteun.

Jahn Hohne, uitvoerende hoof van Ekapa Mining, sal uitwei oor die lesse wat dié myngroep uit vorige rampsituasies geleer het en hul bydrae tot die gemeenskap en omgewing.

Nicol Jansen, voorsitter van Agri Noord-Kaap, gesels saam oor die georganiseerde landbou se rol gedurende en ná brande, terwyl Paul van den Berg, FNB se streekhoof in die Vrystaat en Noord-Kaap, toeligting gee oor finansiële beplanning en hoe boere te werk kan gaan as hulle hul vee verkoop en die geld belê totdat weiding herstel het voordat hulle dan weer vee koop.

Brandversekering kom ook aan die beurt en boere kan kers opsteek by Emil Pretorius, bestuurder: Santam Segment Solutions AGRI.

Urbanus Badenhorst, dierevoedingskundige by Agri Development Solutions en Lubern Voere, vertel meer oor oorbruggingsprobleme wat boere in die gesig staar ten opsigte van verskillende voedingscenario’s, kostedoeltreffendheid en die verskuiwing van diere na ander huur- of hulpweiveld. Hy bespreek die koste, praktyk en beperkinge.

Jy kan ook uitsien na Johan van den Berg, onafhanklike landbouweerkundige, se bydrae oor reënvalvooruitsigte en risiko’s vir die somerseisoen.

Laaste, maar nie die minste nie, kan jy luister na Linja Allen van die Orion Boerebrandfonds, Kimberley, se inspirerende verhaal van hoe sy en ander belanghebbendes tegnologie ingespan het om geld in te samel om broodnodige brandbestryding ten tye van die brande moontlik te maak. Sy gaan ook kyk na die rol van gemeenskapsbetrokkenheid om brande te bestry en hulp te verleen.

Just One Drop – Relief for Veld Fires

Just One Drop – Relief for Veld Fires

Besoek gerus die nuut gestigde Niewinsgewende Organisasie, “Agri Northern Cape Foundation” deur HIER te kliek, waar jy maklik ‘n skenking kan maak vir die boere van die Noord-Kaap deur ons nuwe Payfast fasiliteit te gebruik.

Dit is onder andere ten bate van die “Just One Drop – Relief for Veld Fires” projek.

Agri SA Droogtehulp 2021

Agri SA Droogtehulp 2021

Sommige gebiede in Suid-Afrika is op hulle knieë as gevolg van die verwoestende, voortslepende droogte.

Hierdie gebiede is hoofsaaklik in die Noord-Kaap, Wes-Kaap en die Oos-Kaap.

Agri SA se droogtehulppogings speel ‘n belangrike rol om boere en plaaswerkers in hierdie moeilike tyd by te staan.

Vandag doen Agri SA ‘n spesiale beroep op die private sektor om by te dra tot Agri SA se Droogtehulpfonds om weer boere in droogtegeteisterde gebiede te ondersteun.

Jacobs se dood ‘n groot verlies vir landbougemeenskap Deur Charne Kemp via Netwerk24.com

Jacobs se dood ‘n groot verlies vir landbougemeenskap Deur Charne Kemp via Netwerk24.com

Die skielike dood van mnr. Danie Jacobs (55), ‘n uitvoerende bestuurslid van Agri Noord-Kaap, voorsitter van Agri Namakwaland en voorsitter van die komitee van omgewingsake, is vir sy gesin en die georganiseerde landbou ‘n groot verlies.

Jacobs is op 23 Junie in sy bakkie in die veld op sy plaas buite Springbok gevind. Hy is vermoedlik aan ‘n hartaanval dood.

Mnr. Pieter Jacobs, sy oudste seun, sê hy was die gesin se rolmodel. “Ek wens my geloof was so sterk soos syne. Hy was ‘n regverdige en liefdevolle pa vir my en my broers, Gerhard en Fourie, en ‘n eggenoot vir my ma, Riana. Hulle sou op 29 Junie vanjaar 25 jaar getroud gewees het.

Sentraal SA staan saam, bankvas agter ons boere