Die jare 2020 en 2021 sal verseker vir ‘’n geruime tyd onthou word as jare van uiterstes, want dit was die Covid-19 pandemie, erge brande, dreigende vloede, oorstromings en verspoeling van paaie en saam met die baie reën groot swerms sprinkane wat in groot dele van die Noord-Kaap uitgebroei het.

Hierdie sprinkane bedreig groot dele van die gesaaides binne die Douglas omgewing en het ‘’n groep jong boere van die Douglas Landbou-Unie Agri Noord-Kaap genader vir finansiële bystand met die bespuiting van die sprinkane met ‘’n helikopter.

Agri Noord-Kaap het Santam genader vir ‘n borg en Santam het R 20 000 geskenk om die boere by te staan in hulle poging om die gesaaides binne die Douglas omgewing te beskerm.

Agri Noord-Kaap spreek daarom hulle opregte dank uit teenoor Santam vir hulle bereidwilligheid om te help om die sprinkaanplaag te bestry. Die sprinkane hou natuurlik ook ‘’n groot bedreiging in vir gesaaides in die Vrystaat sou die Noord-Kaap nie daarin slaag om hulle effektief te bestry nie.

Kliek hier om ‘n pdf dokument (2MB) af te laai met fotos van die sprinkane.

Dankie aan Santam vir die borg

Santam

Share This