Verbod op grondbesit kan wynbedryf raak Landbou.com - Deur Carien Kruger

Verbod op grondbesit kan wynbedryf raak Landbou.com - Deur Carien Kruger

Agri Noord Kaap - Verbod op grondbesit kan wynbedryf raak

Wynplaas in die Boland Foto: Seeff

Die Regering se beoogde verbod op buitelandse besit van landbougrond sal na verwagting veral in die wynbedryf ’n invloed hê.

Verteenwoordigers van die eiendomsagentskappe Seeff en Pam Golding sê die buitelandse kopers waarmee hulle te doen kry, stel hoofsaaklik in wynlandgoedere en wild- en leefstylplase belang.

Dr. Andrew Golding, uitvoerende hoof van die Pam Golding-eiendomsgroep, sê luidens ’n onlangse Moneyweb-artikel besit buitelanders tot 2007 minder as 5% van landbougrond.

Mnr. André Malan, Seeff-agent vir landbougrond in die Wynland en Boland, raam buitelanders besit tussen 25% en 30% van wynlandgoedere in omgewing van Stellenbosch, Franschhoek en Wellington-Paarl.

Voer wyn uit


Hulle neig volgens hom om eerder wynlandgoedere as wyndruifplase te koop. “Die opbrengs is beter en hulle voer ’n groot deel van die wyn na hul tuislande uit.

“Só verdien hulle vir Suid-Afrika waardevolle buitelandse valuta en word werkgeleenthede vir halfgeskoolde en geskoolde mense behou.

“Oor die algemeen speel buitelandse beleggers ’n belangrike rol in die maak en bemarking van plaaslike wyn, wat deesdae ’n aansienlike buitelandse valutaverdiener vir die Kaapse ekonomie is,” sê hy.

Verjonging en groei


Volgens mnr. Samuel Seeff, voorsitter van Seeff, het buitelanders kapitaalbeleggings na die Wynland gebring en was, saam met plaaslike korporatiewe ondernemings, die hoofdrywers van die ontwikkeling en restourasie van wynplase, die verjonging en groei van die bedryf, en die skep van gesogte internasionale wyn en toerismehandelsmerke.

Malan sê buitelanders beïnvloed nie noodwendig die prys van landbougrond nie. Dit word deur normale markkragte van vraag en aanbod bepaal. Sou hulle egter onteien of gedwing word om te verkoop, kan dit ’n nadelige invloed hê.

Me. Melina Visser, Seeff-agent van Franschhoek, meen ’n verbod kan die algemene opvatting oor beleggings in Suid-Afrikaanse eiendom

Agri Northern Cape