Gratis Webinaar: My veld het afgebrand – wat nou?

Gratis Webinaar: My veld het afgebrand – wat nou?

Die verwoestende veldbrande in Augustus en September in die Noord-Kaap het honderdduisende hektaar weiveld vernietig en boere met talle vrae oor die pad vorentoe gelaat.

Landbouweekblad bied op Donderdag 7 Oktober om 14:00 ’n gratis webinaar aan waarin verskeie kenners raad gee aan boere wat skade gely het.

Die gesprek word gelei deur Neil de Klerk, uitvoerende hoof van bemarking en kommunikasie by GWK, en webinaargangers sal ook die geleentheid kry om vrae te stel.

Frans du Plessis, GWK Agri se besturende direkteur, sal gesels oor die beskikbaarheid van produkte en voorraad tydens ’n ramptoestand. Jy kan ook meer uitvind oor GWK se Net ’n Druppel-veldtog en hoe die maatskappy boere ná die brande ondersteun.

Jahn Hohne, uitvoerende hoof van Ekapa Mining, sal uitwei oor die lesse wat dié myngroep uit vorige rampsituasies geleer het en hul bydrae tot die gemeenskap en omgewing.

Nicol Jansen, voorsitter van Agri Noord-Kaap, gesels saam oor die georganiseerde landbou se rol gedurende en ná brande, terwyl Paul van den Berg, FNB se streekhoof in die Vrystaat en Noord-Kaap, toeligting gee oor finansiële beplanning en hoe boere te werk kan gaan as hulle hul vee verkoop en die geld belê totdat weiding herstel het voordat hulle dan weer vee koop.

Brandversekering kom ook aan die beurt en boere kan kers opsteek by Emil Pretorius, bestuurder: Santam Segment Solutions AGRI.

Urbanus Badenhorst, dierevoedingskundige by Agri Development Solutions en Lubern Voere, vertel meer oor oorbruggingsprobleme wat boere in die gesig staar ten opsigte van verskillende voedingscenario’s, kostedoeltreffendheid en die verskuiwing van diere na ander huur- of hulpweiveld. Hy bespreek die koste, praktyk en beperkinge.

Jy kan ook uitsien na Johan van den Berg, onafhanklike landbouweerkundige, se bydrae oor reënvalvooruitsigte en risiko’s vir die somerseisoen.

Laaste, maar nie die minste nie, kan jy luister na Linja Allen van die Orion Boerebrandfonds, Kimberley, se inspirerende verhaal van hoe sy en ander belanghebbendes tegnologie ingespan het om geld in te samel om broodnodige brandbestryding ten tye van die brande moontlik te maak. Sy gaan ook kyk na die rol van gemeenskapsbetrokkenheid om brande te bestry en hulp te verleen.

Just One Drop – Relief for Veld Fires

Just One Drop – Relief for Veld Fires

Please visit the website of the newly established Non-Profit Organization, “Agri Northern Cape Foundation” by clicking HERE , where you can easily make a donation for the farmers of the Northern Cape by using our new Payfast facility.

The “Just One Drop – Relief for Veld Fires” is one of the supported projects.

GWK kweek bewustheid oor boere se lot weens droogte OFM

GWK kweek bewustheid oor boere se lot weens droogte OFM

GWK - Net 'n Druppel

GWK – Net ‘n Druppel

GWK, met sy hoofkantoor in die Noord-Kaap, spits hom toe om boere in dié droogtegeteisterde provinsie op verskeie gebiede te ondersteun en om bewustheid te kweek oor die uitdagings wat hulle op grondvlak het weens die droogte.

Een van dié agribesigheid se insisiatiewe is om gemeenskappe oor die land heen bewus te maak van die situasie waarin boere verkeer. Llwellyn Brooks, besturende direkteur van die GWK-groep, sê die insiatief, “Net ‘n Druppel,” wat verlede week in samewerking…

Agri Northern Cape

Agri Kuruman sê dankie Deon Hoon

Agri Kuruman sê dankie Deon Hoon

cargill-01gwk-01flotank-01
 
 
 
 
 
 

Agri-Kuruman wil hiermee net die volgende persone en instansies bedank vir die wonderlike voorreg wat ons gehad het om soveel bydraes te kon ontvang. Donateurs, wat die geld beskikbaar gestel het –

Agri SA en Agri Noordkaap met sy personeel en dagbestuur wat die verdeling en logistiek behartig het. Wat die aankoop van die mielies  betref dankie aan Andrew Bothma van Cargill Agriculture Supply Chain wat die beste transaksie met GWK vir ons beding het. GWK het die mielies ook kosteloos vir ons vervoer vanaf Jan Kempdorp na Kuruman. Adri van Flo-Tank het die vervoer gereël, dit het seepglad verloop. Dankie ook aan Gerrit Bruwer en Alewyn Schlebush vir mieliereste wat aan ons geskenk is.

Wees verseker elke blaar en pit word opreg waardeer. Ons bid elkeen seën toe.

Kalahari Groete

Deon Hoon