AGRI Noord-Kaap Droogte Rampfonds

AGRI Noord-Kaap Droogte Rampfonds

AGRI Northern Cape Drought FundDie Agri Noord-Kaap droogte rampfonds is geskep om hulp aan spesifiek die boere in die Noord-Kaap te bied gedurende die uitmergelende droogte wat hulle tans ervaar. Dit is die ergste droogte sedert 1927.

Hierdie is ‘n dringende versoek aan die publiek om ‘n finansiële bydrae te lewer tot die AGRI Noord-Kaap Droogte Rampfonds. Aan almal wat omgee, help Agri NK om die boere by te staan deur hierdie vreeslike droogte en die finansiële ramp te verlig.

Die fonds sal deur PricewaterhouseCoopers (PWC) ge-oudit word om te verseker die hulp kom by die behoeftige boere uit en geen sent word vermors nie.

Mnr Henk van Wyk, die President van Agri Noord-Kaap, wat self in die provinsie boer verstaan hoe belangrik dit is dat mense van die Noord-Kaap asook Suid Afrika saamstaan en handuitsteek om boere by te staan. Voedsel sekuriteit, boere se lewensbestaan, werkers se heenkome, diere en plase is in gedrang.

Die impak van die droogte word eerstehands deur die boere ervaar, maar die uiteinde is dat die verbruikers ook die effek daarvan sal beleef in die vorm van produktekorte en prysverhogings van verwante kommoditeite. Dit is waarom dit so belangrik is om alle pogings aan te wend om boere te ondersteun.

Agri Noord-Kaap doen ‘n beroep op die Noord-Kaap inwoners en besorgde mense van Suid Afrika om boere by te staan deur finansieel by te dra tot die fonds.

Gebruik die bankbesonderhede onder vir inbetalings –
Begunstigde – Agri NK
Bank – ABSA
Rekening Nommer – 940 591 759
Tak Kode – 632 005
Begunstigde Verwysing – Droogtefonds

Donasies kan anoniem gemaak word, of as ‘n faktuur benodig word kan ‘n email gestuur word aan marian@agrink.co.za.

Gaming for good: How a computer simulation hopes to help with SA’s drought Times Live - Ernest Mabuza

Gaming for good: How a computer simulation hopes to help with SA’s drought Times Live - Ernest Mabuza

Virtual farmers could prove a vital piece in the cog trying to alleviate the ongoing drought across South Africa‚ after Ster-Kinekor Entertainment said R10 from the sale of every farming simulator game Pure Farming 2018 would be given to AgriSA’s Drought Relief Fund. 

The fund has been set up to assist South African farmers during the current drought.

The company made the announcement on Wednesday. Pure Farming 2018 gets launched next Tuesday.

The drought relief fund was initiated by agricultural company Senwes and AgriSA in December 2015 to mobilise the public to donate funds in order to mitigate the disastrous impact of the drought‚ which is the worst since 1982.

In the first six months of the fund’s establishment‚ AgriSA collected R14-million from the public and businesses. While retail shops provided water and food hampers to the farming communities‚ farmers donated bales of fodder.

Agri Northern Cape

Boere in die Oos- en Noord-Kaap ook onder druk oor waterkrisis ProAgri - Benine Cronje

Boere in die Oos- en Noord-Kaap ook onder druk oor waterkrisis ProAgri - Benine Cronje

Terwyl daar baie nuus in die landboubedryf en landswyd is oor die dag Zero wat nader staan vir Kaapstad, kry ander provinsies in Suid-Afrika soos die Oos- en Noord-Kaap ook swaar as gevolg van ‘n watertekort.

Dag Zero in die Wes-Kaap gaan volgens voorspellings in Mei vanjaar plaasvind. Dit sal hoofsaaklik afhang van die aanvraag en die gebruik van water deur alternatiewe bronne soos boorgate.

“Daar moet ook bekommernis wees oor die waterprobleem in die Oos-Kaap en die Noord-Kaap,” se Dawie Maree, hoof van bemarking en inligting by FNB Landbou-afdeling.

Die Oos-Kaap en die Noord-Kaap staar dieselfde waterkrisis as die Wes-Kaap in die gesig. Die Kougadam wat water aan Port Elizabeth en die omliggende landelike gebiede in die Oos-Kaap verskaf, het ‘n damvlak gehad wat op 9,2% gestaan het vir die week geëindig 2 Februarie voor dit onlangs gereën het. Die reën sal dit waarskynlik na 12% toe lig. Die westelike dele van die Noord-Kaap ervaar ook ‘n droogte en die veeboere in hierdie streek is onder geweldige druk.

Agri Noord Kaap

RPO Noord-Kaap-kongres: Die rooivleisbedryf kan groei en die droogte sal verbygaan ProAgri - Benine Cronje

RPO Noord-Kaap-kongres: Die rooivleisbedryf kan groei en die droogte sal verbygaan ProAgri - Benine Cronje

“Landbou en meer spesifiek rooivleis is een van die bedrywe waar daar nog baie potensiaal vir die toekoms is om werk te skep en dit uit te brei na rykdom oor ‘n breë spektrum,” sê Johan van der Colff, voorsitter van die Rooivleisprodusente-organisasie, Noord-Kaap.

Hy het sy voorsittersrede gelewer op die RPO Noord-Kaap se kongres op 7 en 8 Junie 2017 te Kimberley by die Horseshoe Inn. Die rooivleisboere het byeen gekom om te gesels oor die geleenthede en uitdagings van die afgelope jaar. Daar was ook verskeie sprekers wat boere weer hoop gegee en interessante onderwerpe rondom die rooivleisbedryf aangeraak het.

Johan van der Colff het in sy voorsittersrede gesê die RPO Noord-Kaap het verskeie sake namens sy lede hanteer die afgelope jaar en die grootste hiervan was seker die kwessie van grond. Dit is belangrik dat boere betrokke moet bly om die organisasie sterk te maak om die sake te hanteer. Hy het ook oor die rol van die weer gesels.

“Die natuurtoestande van die afgelope jaar in die provinsie was van die uiterstes. Die westelike gedeelte en die winterreënvalgebied ondervind nog rampdroogtetoestande. Die hulp wat boere aan mekaar verleen het deur hierdie tydperk was baie bemoedigend,” sê hy.

Agri Noord Kaap

Droogtehulpskema in Noord-Kaap ‘skokkend’ bestuur’ Netwerk24 - Charné Kemp

Droogtehulpskema in Noord-Kaap ‘skokkend’ bestuur’ Netwerk24 - Charné Kemp

Agri SA het Donderdag ’n “skokkende prentjie van blatante gebrek aan goeie beheer- en bestuursbeginsels” geskilder toe hy verduidelik het wat alles met die regering se droogtehulpskema skeefgeloop het.

Dit volg op die droogtehulpskema van R212 miljoen van die departemente van landbou, bosbou en visserye; landelike ontwikkeling en grondhervorming; en water en sanitasie wat onlangs oor die land heen afgehandel is.

Omri van Zyl, uitvoerende direkteur van Agri SA, het op ’n nuuskonferensie in Pretoria bewerings gemaak van oortollige veevoer wat in die Vrystaat gestort is, verkeerde voer wat afgelewer is en hoe verskeie boorgate teen onbehoorlike bedrae geld op dieselfde plek geboor is.

Veevoerpryse is volgens Van Zyl onbehoorlik opgeblaas en amptenare het van die veevoer gevat.

Agri Noord-Kaap reken dat boere in die provinsie sowat 30% minder droogtehulp gekry het weens die drie departemente se aandrang om hul eie verspreiders aan te stel.

Agri SA dring daarop aan dat die portefeuljekomitee, die openbare beskermer en die ouditeur-generaal die toekenning van geld en die aanstel van diensverskaffers vir die droogtehulpskema ondersoek.

Agri Noord Kaap